Boerebroélof 2026 gegund aan Vrindegroep Beejeingeklats
Maondaag 7 april 2025
Op eur vergadering van maondaag 7 april haet de Raod van Elf van Venloosch Vastelaoves Gezelschap Jocus de Boerebroélof van 2026 gegund aan Vrindegroep Beejeingeklats.
Zeej zien in Venlo veural bekind door eur deilnames aan de Groëten Optoch wao zeej beej de groepe al miërmaols in de priéze veele. Eine vrindegroep mit ruum 105 leeje wao ’t vastelaovesblood struimp wies in de aore en dae d’n aafgelaupe vastelaovend al veur d’n elfde kiër meileep.
Vrindegroep Beejeingeklats zal de Venlose Boerebroélof van 2026 op gehiël eige wiéze en mit groët enthausiasme gaon invölle, vol originele ideeje en mit vuuël aandach veur de groëte groep blaage die ônderdeil zien van eur gezelschap.
Van herte perfitsia!