BindrB op Elf van Elf veur ’t Stadhoés

In de liés van optraejende artieste op Elf van Elf vinde we um  15:45oor de Venlose dialecband "Van Gelder". Van Gelder tummert  flink aan de waeg met optraejes en binnekort met ein nieje CD. ónlangs speulde de band 10 couplette van ‘t Langste Limburgse Leed (LLL) tiejes de Nach van ‘t Limburgse Leed op ‘t houfpodium. ‘t LLL is gebaseerd op ‘t nieje nummer “BindrB” waat binnekort op de nieje CD “ónderwaeg” te huúre is.

Dit LLL bestónd in september nog oét 21 couplette waovan d’r 10 LIVE oétgevoerd woorte. De couplette ware mede geschreve door ‘t publiek en woorte door ein aantal prominente gezónge. ózze Beschermhiër Börger Antoin Scholten, Stadsprins Sef IV en vuuële andere lete van zich huúre. ‘t LLL wuuërd al maar langer, en geej kint dao óg steinke aan beejdrage door ouk ein couplet te schriéve én (asse wils en dörfs) dit ouk same met Van Gelder op de buhne te zinge.

Dich (met dien eige teks) en Van Gelder traeje dan same op veur ‘t Stadhoés op Elf van Elf….. Bisse örges tösse de 4 en 104 jaor ald, kinse ein nieje couplet schrieve veur ‘t LLL EN WILSE DIE COUPLET MISSCHIEN OUK ZELLUF ZINGE? DUS: Schrief dien eige couplet en steur um op nao info@2vangelder.nl of via ein berichje in Facebook.

Via de volgende link kinse kinse misschien al ideeje op doon: http://www.youtube.com/watch?v=DbL4-d1Nwuk of kiék op Facebook danwaal de website www.2vangelder.nl

BindrB op  Elf van Elf op de bühne!!