Aope daag Jocus pand: 17 december 2011

Op zaoterdaag 17 december 2011 organiseert Venloosch vastelaovesgezelschap Jocus eine aope-daag in ‘t Jocuspand aan de Burg. Conraetzstraot.

Naeve allehande Podium en Buhne attribute, d’n Ufo (‘t podium van de leedjesaovend) staon d’r o.a. verschillende compleet gereviseerde, antieke, koetse, de Prinse- en Raodswage tentoeëngesteld. ‘t Jocus archief wuuërd aope gesteld met ein schat aan nostalgische …tekste, foto’s, regalia etc.
Veur al óg vraoge euver ‘t pand, de verzamelde attribute en/of de vereiniging kint geej beej diverse Jocus leeje terech.

Uiteraard waere de Jocus Fiezemetente te koup aangebaoje. De nieje Jocus CD en ‘t book "100 jaar boerebroelof in Venlo" uiteraard ouk.

Veur de echte vastelaovesverzamelaers geit d’ein kleine schatkamer aope.
De Träöt is te koup vanaaf jaorgangk 1955 wies noow.
Leedjesteksbukskes vanaaf 1949, diverse Jocus CD’s, LP’s en zelfs casettebandjes,
Jubileumhane, alde medalies en ónderscheidinge, alde en nieje Opstaekers, diverse beuk, sliepse, paraplu’s, kortum "kaasje" veur de verzamelaers.

Gaer nuuëdige weej óg oét op zaoterdaag 17 december, tösse 10.00 en 14.00 uur in ós pand aan de Burg Conraetzstraot te Venlo.

Gaer wies dan!

Jocus R&T