Alles euver Opus Jocus (mit leedjesbukske)

Venlo is klaor veur Opus Jocus Leedjesaovend 2015. Kômmende zaoterdaag strieje de elf finaliste in Theater de Maaspoort um “de Funs”. As exclusieve “veurpremière” makde JocusTV video’s van de elf finaliste. Dees zien via www.youtube.com/jocustv te bekiéke. Op dees wiés kin idderein alves kinnesmake mit waat geit kômme.

Ouk dit jaor kint Opus Jocus weer eine gas verniejinge. Ein daovan is det de Vorste van de zustervereiniginge in de zaal ein eige “Vorstezjurie” vorme. Vanaaf de twiëde ronde kin d’n tillevisiekiéker via sms zien of eur stum oétbringe. Same mit de vakzjurie en de zaalzjurie waere op dees wies de 4 nieje Jocusleedjes gekaoze.

>> Download heej ôg Leedjesbukske <<

Op tillevisie duit Umroop Venlo vanaaf 20.30 oor live verslaag. De prissentatie is in hand van Hoëgheid Prins Ruud II (Stikkelbroeck) en Jeroen van den Ham.

De letste kaarte vleege op dit moment de deur oét. Wae ‘t nog live mei wilt make môt vlot zien: gangk vandaag nog nao Plusmarkt Benders Venlo, Sporthuis Olympia, Slechterie Schreinemachers of www.jocus.nl. En geneet van ein aovendvöllend program veur slechs €17,50.