Ald Vors Joeccius XI Harry Pouwels ôntvingk zilvere iërespeld Gemeinte Venlo

Ald Vors Joeccius XI, d’n hiër Harry Pouwels haet zaoterdaag 3 september de zilvere iérespeld van de Gemeinte Venlo ôntvange. Tiédes zien abdicatie kreeg hae de versiersele opgespeld door börger en Beschermhiër Antoin Scholten.

“Harry Pouwels haet zien functie beej Jocus mit gezag en waerdigheid bekleid. Daomei haet hae eine belangriéke stempel op de Venlose vastelaovend en Jocus gedrök. As Beschermhiër heb ik dao waardering en bewôndering veur.”

Tiédes zien Vorsschap haet d’n hiër Harry Pouwels zien baove-verdeenstellik ingezatte veur Jocus. Neet allein haet hae as Vors Joeccius XI/veurzitter de vereiniging Jocus op zien eige wiéze richting gegaeve en doënderbeej de minse gebrach, auk hebbe onder zien veurzitterschap diverse initiatieve ‘t laevesleech geschônke wao-onder d’n Opstaeker, ‘t euverleg mit de Venlose stadsdeile, Stichting de Herfshane, en ‘t samegaon van Jocus en Jocus Toekôms. Auk waas hae as Jocus veurzitter meide-oprichter van ‘t Stadscomité Boétegewoëne Boétezitting.