Aandach veur Vastelaoves historie beej Nedinscoplein (Umroop Venlo TV)

Hallo, hallo ‘t is haos Vastelaovend…

In de kômmende waeke waere in Venlo diverse beejeinkômste gehalde wao de historie van de Venlose Vastelaovend centraal steit.

Raeje veur Omroep Venlo um heej in Nediscoplein aandach aan te bestaeje. Carnavaloog Theo Franssen en Jocus archivaris Jaap Stroeken zulle aanschuuve um aan de hand van alde beelde de historie van Jocus en de Vastelaovend te beleechte.

Nedinscoplein waas te zeen op vriédaag 16 jannewari op Omroep Venlo. Geej kint deze online truukkiéke.

Miër aktiviteite:

Vastelaoveswandeling
Naeve Nediscoplein zal names ‘t Jocus Archief Clim Backes aanstaonde zôndaag euver de historie vertelle tiedes de Vastelaoveswandeling georganiseerd door ‘t VVV kantoër.

Miër informatie euver de Vastelaoveswandeling vindt geej heej: http://www.jocusvenlo.nl/niejs.asp?nid=437

Inloupaovend ECE
Op woensdaag 21 jannewari organiseert de stichting Europees Cultureel Erfgoed eine inloupaovend wao op ein informele wiés en aan de hand van foto’s wuurt gepraot wie Venlo vruuger Vastelaovend vierde. Names Jocus zulle Clim Backes, Renier Linders en Henk de Boer aanschuuve. Vaerder spraeke ônder andere Theo Franssen en Sef Derckx. D’n aovend wuurt gehalde in kefee Tante Bet en begint um 19.00 oor.