4 x 11 edisies van Boeremoosbal en Naopraote

Kómmende zaoterdaag vind veur de 44ste kièr ‘t Boeremoosbal plaats. Dit traditionele Boerebal steit dit jaor gans in ‘t teike van ‘t 101ste Boerebroelofsgezelschap van VieCuri. Zaoterdaagaovend  geit ‘t aanstaond Broédspaar, Susanne Jongen en Hay Geritz, onder ‘t toezeend oug van zô’n 2000 Boeremoosbalgaste, in d’n ôndertrouw in de Maaspoort.

Traditioneel luuët, veuraafgaond aan dit spektakel, D’n Ermen Tak, de femilie Pollux (‘t gezelschap van aafgeloupe jaor) eur kiendje kiéke. Optraejes zien d’r van verschillende joekskepèlle, De Jocus Hofkepèl en netuurlik de 4 winnende leedjes.

‘n Noviteit dit jaor is det geej ôg op ein ludieke wiés kint laote verieëwige door de Fototainer. Taege ‘n kleine vergoeding kint geej terplaatse einen aafdrök van dees foto meineme. Oét alle geschaote plaetjes wuurt door ein ziër deskundige zjurie de moëiste foto oétgekaoze. De winnaer(s) waere aan ‘t ind van d’n aovend bekind gemak. Naeve iëwige roem, ôntvingk de winnaer/winnares ein ½ verke as priés, beschikbaar gesteld door slegterie Schreinemachers.

Gaer zeen weej ôg kômmende zaoterdaag in de Maaspoort.