In een biézôndere samewerking tösse de Venloosche Platekas, regionale umroop L1, Jocus en ’t Jocus Museum is ein niej historisch album verschene: Jocus in ein duuëske, Prônkzitting 1953 live oét ’t ROZ-archief. ’t Album bevat unieke live-opnames van de Groëte Prônkzitting van 11 november 1953, destiéds oétgezônde door de veurmaolige Regionale Omroep Zuid (ROZ).

De opnames vörme ein liveverslag van de Jocuszitting ter gelaegeheid van ’t 111e vastelaovessezoen en zien gemak in de Prins van Oranje. Doot ôg de auge toe en huur wie de Raod van Elf binne kump op de klanke van Jocus Intochmars.

Te huure zien onder andere Vors Joeccius XI Toën Schrijnen, Jocus Hofzengers Sjraar en Piet Peetjens, Felix Peeters, de Melodian Singers en Lei Hendrickx alias de Bôks. Ein biézônder hoëgtepunt is de unieke opname van Sirremoniemeister Bertus Hummel, dae ein dreejvoudige viéfklap oétbringk.

De originele live opnames van bekinde Jocusleedjes as d’n Alde Kleierkas, Pingalia, Sjiengele Boem en d’n Hoonderstal laote ein authentiek geluud van de Venlose vastelaovend oét begin jaore viéftig huure.

’t Is al ’t derde album det de samewerkende partieje oétbringe. Same zette zeej zich in um ein bijdrage te levere aan ’t beware en doorgaeve van ’t költurele erfgood aan de kômmende generaties. ’t Album is noow via Jocus te huure op de bekinde streamingdeenste.

Luuster heej:
Venloosche Platekas, Vol 2: Jocus in ein duuëske (Live op de Prônkzitting 11-11-1953 oét ’t ROZ-archief

Auk te huure zien:
Venloosche Platekas, Vol 1: Jocus in ein duuëske

Venloosche vastelaovend Oét ’t ROZ-Archief
(Venloosche Platekas, Veur de Vastelaoves in Venlo)