Hofbal 2025 (Oétverkoch)

Op zaoterdaag 15 fibberwarie vindt in Jocus Hoonderstal d’n Hofbal plaats. En d’n Hofbal dreijt dit jaor op volle toere. ’t Belaof ein reis te waere door de prachtige meziékhistorie die Jocus riék is. Eine Gala-aovend mit as hoëgtepunt ’t oétroope van Prins Carnaval 2025 en zien Adjudante door Vors Joeccius XI.

Wie gezag steit de meziékhistorie centraal. En det alles in ein splinterniej dekôr det ôg haos alle zintuuge zal laote prikkele.

Baby Blue
Op die buun zulle auk dees edisie weer de nuuëdige name de revue passere. Waat te dinke van de band Baby Blue? Ein van ’s lands grutste coverbands die de aafgelaupe zomer al meinig festivalwei umvaer speulde mit eure meziék. Neet gehiël ônbelangriék: zeej schittere mit in eur midde eure frontman en ras Venlonaer Dion Noya.

Herfshane Band

Auk de Herfshane Band luuët zich zeen, aevel baove-al huure de kômmende Hofbal. Dees talentvolle formatie speulde d’n Hoonderstal al minnig kiër plat en haet auk veur dezen Hofbal weer ’t nuuëdige veurwerk in petto.

Jocus Hofkepel

Zaesse Jocus en meziék, dan zaesse neteurlik auk Jocus Hofkepél. Einen Hofbal zoel neet kompleet zien zonder de toëne van dit ‘hendig stel’. Want wie gezag: ’t is de glorie van de hoempa-pa meziék.

Saxy Pianoshow

De meziékale umliésting van d’n intree is dit jaor in hand van de Saxy Pianoshow.
Ein show wao-in de invölling bepaold wuurt door ôg:
Heb geej ein leedje in de kop? Hae speult ’t veur ôg, en det de ganse aovend!

Venlona

Naeve de riéke historie aan vastelaovesmeziék haet Venlo auk tal van zangvereinigingen. En gans ter iëre van ‘t 125-jäörig bestaon van de Keuninklijke Zangvereiniging Venlona guf dit mannekoër acte de presénce op d’n Hofbal.

Hofbalzengers
Wae truuk geit nao d’n Hofbal van 2008 zal eure veurduip op Jocusbuun neet zien vergaete: De Hofbalzengers. Mit ein behuurlijk rippertoire det minnige Venlonaer foutloos mei kin zinge belaof det noow al ein prach show te waere.

DJ Get a Job

Gaon in ’t weekend de vutjes van de vloer in Café de Locomotief? Groëte kans det DJ Get a Job achter de knuup steit. Job Willemse is alles behalve podiumschauw en haet auk zeker gen hoëgtevrees. Gelökkig kump det veur dezen Hofbal dan good oét. 

Kaarte kaupe

D’n Hofbal is oétverkoch. Weej advisere ôg veurzichtig te zien mit ’t kaupe van kaarte die via via op ’t internet waere aangebaoje. Heb geej kaarte die ge wilt doorverkaupe? meld ôg dan via hofbal@jocus.nl.

De kaartverkaup veur d’n Hofbal start jaorliks in november, op oétnuediging. Alle leeje, Donateurs, Vrinde en Sponsore van Jocus ôntvange ein persuenlikke oétnuediging mit ein QR code wao mei zeej kaarte kinne kaupe.

Donateur waere? Klik heej!