Hofbal 2026
Op zaoterdaag 31 jannewari vindt in Jocus Hoonderstal d’n Hofbal plaats. En dit jaor gaon weej truuk in d’n tiéd nao ein van de groëtste riéke die dezen aerdbol oëits haet gekind: ’t Romiense Riék. Eine Gala-aovend mit as absoluut hoëgtepunt ’t oétroope van Prins Carnaval 2026 en zien Adjudante door Vors Joeccius XI.
Weej garandere ôg einen aovend wao-in de sjiek van de Romiense tiéd centraal zal staon, mit dao-in wie vanzelfspraekend auk plaats veur ein passende meziékale umliësting.
Classic Hits In Concert
Neum ein leedje oét vervlaogen tiéd en dit geweldige orkes speult ’t haorfien nao. Sloét ôg auge en geej heb ’t geveul asof David Bowie of Tina Turner in d’n Hoonderstal steit. Beniejd nao welke leedjes zeej speule? Luuster tösse Kersmis en Niejaor maar ens nao Radio 2 en eur oeuvre kump veurbeej.
Jocus Hofkepél
Welk Jocus-evenement is compleet zonder de klanke van Jocus Hofkepél? Mit ein spetterende show belaove zeej d’n Hofbal aaf te sloéte zoëdet d’r nog wies in lingte van jaore euver gepraot zal weere.
Saxy Pianoshow
Had geej um veurig jaor gemis? Of kwaam ôg leedje veurig jaor neet veurbeej? Gen zörg; hae kump truuk. En det is nog neet alles, ’t belaof ein hiël biézôndere show te waere!
Hofbalzengers
De Hofbalzengers; de naam zaet ’t eigenlijk al. Zengers die onlosmakelik verbônde zien mit d’n Hofbal. Zinge doézend stumme auk op dezen Hofbal as ein?
DJ Get a Job
De vutjes ginge aafgelaupe jaor zonder meujte van de vloer wie DJ Get a Job in d’n Hoonderstal verscheen. Dus laote weej det kômmende edisie nog ens haorfien euver doon.
Winnende Jocusleedjes
Gen evenement is in ’t sezoen ’tzelfde zonder de veer winnende leedjes. Vastelaovend bliéve weej per slot van raekening viere, mit d’n Hofbal genne straotvastelaovend maar gaeve we juus gaas in d’n Hoonderstal en kinne weej daonao lekker twië waeke pierewaaje richting de Vastelaovend.
Kaarte kaupe
De kaartverkaup veur d’n Hofbal start jäörliks in november, op oétnuuëdiging. Alle leeje, Donateurs, Vrinde en Sponsore van Jocus ôntvange ein persuuënlikke oétnuuëdiging mit ein QR-code wao mei zeej kaarte kinne kaupe.
Heb geej gen oetnuuëdiging ôntvange, maar heb geej dao waal rech op?
Meld ôg dan via hofbal@jocus.nl
Donateur weere? Klik heej!