Al sinds ik al eine kleine groëte Schinkie bin van Van den Ham, dus al sinds mien gebaorte, zit de Vastelaovend al in de kop. Ik bin 15 jaor ald en zit beej ‘t Valuascollege in klas 3 HAVO.  Same mit mien pap, mam, zuske Nouk en al mien vrinde vier ik Vastelaovend as gen ander. Ik heb as kleine blaag al iërder op ‘t podium gestaon, namelik in 2012 wie dae’n alde van mich Hoëgheid beej Jocus woort. Same mit Adjudant nummer 1 Thuurke, gaon ik al sinds mien 10^e mei mit Jocus Toekôms. Thuur kin ik al sinds ik vastelaovend vier, mien hiéle laeve dus. Same ginge weej vruuger mit de Boerebroélof op de liëuwe veur ‘t Stadhoës zitte, zoëdet weej alles good kôste zeen. En fratse oéthaole, wie ‘berge-muuske’ speule in de Maaspoort. Verder werk ik beej de beste friet keuning van Venlo: Van Lier op de Stalbergwaeg. Mien hobby is balle taege halde in de goal beej de Venlosche Boys. Dao heb ik in de mini F-jes auk miene 2^e Adjudant liëre kinne: Yves. Wao ik noow auk same mei in Onder-17 speul. Mit Yves heb ik auk dök vastelaovend gevierd mit al ôs vrinde. De joeks en jen zit in ôs blood. Weej zien mit zien dreeje ’t Jocus Toekôms Dreejspan 2024 gewaore! Einen druim dae veur ôs oét kump. Weej wille d’r same mit ôg d’n de beste vastelaovend oëits van gaon make en mit zien dreeje weite weej zeker det weej ’t wiejer gaon schöppe as dae eine Prins van 2012.