Dao haesse de prins!

Prins Mark I (Theewen)

Adjudante Paul Maaskant en René Boitelle

Adjudant Paul Maaskant

Jaor 2026

Adjudant Paul Maaskant is 52 jaor en getrouwd mit Marleen. Same hebbe zeej 2 blaage Guusje (15) en Siem (14).

Opgegreujd in Bliërick, verhoésde hae al flot nao ein werm femilienes aan de Waterleidingsingel.

Nao de liëgere schoël en de mavo begôs auk de vrindschap mit Prins Mark I. Nao de MTS werktuigbouw werk hae noow as dé probleemoplosser beej Adex gereidschapsmakerie. 

Op de basisschoël waas hae neet allein Prins, maar stond hae as 12 jäörige auk in d’n buut. Al vanaaf zien jeug is hae eine fanatiek judoër en auk judo-trainer, ein sport die as eine roëjen draod door zien laeve löp. Same mit ziene vrind Mark werkde hae langen tiéd beej de Dorstigen Haen. As kleine blaag trok hae mit de joekskepel van  pap mei in d’n optoch, later auk mit de femilie- en vrindegroep Spons. Mit d’n Hoëgheid haet hae auk dök as faatse meigedaon. 

En noow dus as Adjudant van ’t Jocus Dreejspan 2026:

“Vanaaf ‘t moment dssse gevraog bis gebeurt d’r waat mit dich. In gedachte flits de Vastelaovend miërmaols aan dich veurbeej en perbeerse dich ein veurstelling te make van det waasse mei geis make. ‘t Zal anders waere, aevel haop ik det veural de spontane joeks en jen op de veurgrond zal staon. Dök zit dit in de gewoëne kleine en ônverwachde momente. Of emus daesse gaar neet kins en mit dich begint te klasjenere euver hiélemaol niks. Dit fees vierse mit jôngk en ald en mit groët en klein. Mit dien gezin, vrinde en idderein daesse spontaan taegekumps. Vastelaovend druuëgs mei in dien hert en ik haop dan auk det weej as ’t Jocus Dreejspan 2026 ‘t hert van de minse meuge rake.”