Adjudant II Max Curvers is 48 jaor en getrouwd met Vivienne – dochter van ald-Adjudant 1985 en ald-Prins Wim I (Donné) oét 1994. Same hebbe zeej 2 blaage: dochter Patoun (19) en zoon Flip (17).

Nao de liëgere en middelbare schoël volgde de HEAO, richting communicatie in Eindhoven. De zakelikke carriére brach um onder andere beej Leolux waat geresulteerd haet in zien eige bedriéf PLEC in projek- en kantoërmuibilair waodoor onder andere ‘t Stadskantoër en Canon van passend muibilair woort veurzeen.

Umdet hae van origine Tegelse is begôs zien hockeylaeve beej de Tegelse Hockey club THC. Op zien 23e woort det geruuld veur VHC. Net as Adjudant Martijn werkde hae in de studietiéd in de horeca, onder andere beej de Loco. Dao vond hae zien leefde Vivienne. Zeej zien echte femilieminse en halde van gezelligheid en wermte in hoés. Prins Robert I mak nao eur geveul deil oét van dees femilie.

Same halde zeej van ‘t Bourgondische laeve, mit dees passie hebbe zeej same auk lang Hotel Puur gerund.

In Venlo woort hae veurzitter van de Nach van ’t Limburgse Leed, waat um 9 jaor geleeje lid van de Raod van Elf as veurzitter van ’t Kommissariaat Rie en Traksie. Sinds september is hae veurzitter van de Jocus Pers & Propaganda kemissie: “Ik dach in 9 jaor Raodslidmaotschap al alles meigemak te hebbe binne Jocus. Maar sinds miene groëte vrind Robert mich vroog um ziene Adjudant te waere ervaar ik alles in de euvertreffende trap. Ein geveul desse mei môs make um ‘t ech te beseffe.”