Adjudant I Martijn Backus is 45 jaor en vader van dochter Ollie (9) en Willem (7). Thoés is hae al vruuëg met de Vastelaovend in aanraking gekômme. Ziene vader Stef waas gerenomeerd lid van Jocus’ TC en organiseerde mit ‘t Hane Ei ‘t ‘Veurpreuve’ op de vriédaag veur vastelaovend.

Nao de liëgere schoël kwaam ‘t Thomascollege. Daonao volgde hae ein studie in Haarlem, maar det brach ’t neet en det brach Martijn nao ein tössejaor in Zwitserland. Zien hert bleef toch truuk verlange nao Venlo. Doordewaeks de Hoëgere Hotelschoël en in ‘t waekind woort in Venlo in minnig kefeej hewerk. In naovolging van opa dae kastelein en eigenaer waas van Vader Klaassens.

Nao zien studies volgde ein carriére in ‘t femiliebedriëf Backus Foodtec, as verkuiper. 19 jaor geleeje woort d’n euverstap gemak nao Janssenauto’s: ein transportbedriëf det al sinds 1877 actief waas vanoét Venlo. Intösse is det bedriéf doorgegreujd tot Logicall – ein waereldwiéd bedriéf in logistiek. Veur dit bedriéf reis hae de ganse waereld euver: “Ik zoot in China wie d’n Hoëgheid mich via facetime vroog of ik zienen Adjudant woel waere. ‘t Is maar good det de Chineeze gen Venloos verstaon!”

Hockey is ein van zien grutse hobbies. Beej VHC woort auk minnige 3^e helf gewônne. Noow is hae beej HC Delta Venlo aktief as jeugtrainer en speuler beej de Veterane. De vrindschap mit d’n Hoëgheid is oétgegreujd tot femilie, zien kinder neume d’n Hoëgheid ome en is beej alle verjäördage. As lid van de Pimpelaers waas hae leefs dreej jaor op riej Höfkeunig. Aldus d’n Adjudant: “umdet zeej genne baetere koste vinde”.

Vanaaf zien 30^e waas hae lid van de Ronde Taofel en veurzitter tiédes de World Meeting. Auk aan kaoke haet hae ein hobby via kaokclub Lekkerneije, ‘t grutste deil van dees club besteit oét leeje van VcdeK, de vrindenclub van vruuger mit vrindschappe van miër as 33 jaor.