Adjudant Jos Gipmans

Adjudant Jos Gipmans is 42 jaor woënt same mit Monique en haet 2 blaage Olivia van 13 en Romein van 9 jaor.

Gebaore en getaoge in Venlo. Op de Vervoersaccademie woort de opleiding tot technisch ingenieur in de logistiek mit good gevolg aafgeslaote. In 1999 woort begôs mit werke in ‘t femiliebedriéf. “Van origine zien weej ein echte gerdeneersfemilie. Mien opa, vader en ein oom zien in 1972 begôs. Van traditionele gerdeneers nao plantekwekers. Inmiddels transportere weej ôs produkte nao alle windstreke van Europa” vertelt adjudant Jos bescheide. Same mit ein broor en naef zien zeej sinds 2002 eigenaer en is hae meide direksielid wao 200 minse in vaste deens werke en 200 sezoensaafhankelikke flexwerkers.

Hae liërde d’n Hoëgheid kinne beej de Ronde Taofel 94. Zeej veulde same metein eine klik en zien dieke vrinde gewaore. Vastelaovend haet Adjudant Jos liëre viere beej De Moeraskwaakers in ‘t Ven. Dao is hae auk Jeugvors gewaes en zien vader waas in 1985 Prins van de Moeraskwaakers.

Veur Jos beteikent de vastelaovend good loskômme van de dagelikse beslommeringe. Vanaaf ‘t moment det hae jao haet gezag op de vraog of hae adjudant woel waere (en det deurde maar ein paar sekônd) haet hae genaote van alles waat d’r gebeurde: “Same mit mien vrinde ’t Jocus Dreejspan 2020 te meuge zien is fantasties. En veural mit twië bein op de grond de joeks en gezelligheid daobeej oétstraole die de Venlose vastelaovend zoë uniek mak. As ik zeen det minse daovan kinne geneete geneet ik dao zelf döbbel van.”