Hofbal 2027
Op zaoterdaag 23 jannewari vindt in Jocus Hoonderstal d’n Hofbal plaats.
Weej heite ôg deze aovend welkom in ôs Cirque Royale, eine Gala-aovend mit as absoluut hoëgtepunt ’t oétroope van Prins Carnaval 2027 en zien Adjudante door Vors Joeccius XI.
Laot ôg verrasse door ein prachtige ambiance mit ein sjiek Cirque Royal aangekleijde Jocus Hoonderstal, umliés door ein passend en fiëstelik meziékaal program.
Hermes House Band
Al miër dan 40 jaor neet weg te dinke oét ’t meziékale landschap. Door de altiéd doorwisselende samestelling van de band, is de energie altiéd volop aanwezig. Van de alde klassiekers, tot nieje bekinde fiësnummers: Veur jôngk én ald gegarandeerd 100% joeks!
Jocus Hofkepél
D’n Hofbal is neet kômpleet zonder de klanke van Jocus Hofkepél. Dit jaor in ein verniejde samestelling, maar zeker minstes zoë good wie vertrouwd.
DJ Sander Gatzen
Deze ras Venlonaer haet al minnig locatie in de binnestad plat gedreijd. Noow voor ôg in de sjiek van Jocus Hofbal dreijt hae de lekkerste vastelaovesplaetjes!
DJ Alive
Wae kint um nog van vruuger in De Gouden Tijger? Dezen aovend is hae truuk, en zal hae d’r veur zörge det geej neet stil kint bliéve staon!
DJ Vinyl& / Saxofonist Jan van Oort
Vinyl leefhebbers kinne eur hert ophaole op dezen aovend. Extra biézônder is ’t samespel mitde saxofoon van Jan van Oort. Kôm det zeen in De Miste!
Cocktail Combo kwartet
Bekind name, niej konsep. Vastelaovesleedjes in ein sjiek ‘ballroom jazzy’ jeske. Kôm kiéke, zing mei of luuster röstig. Meimake is belaeve.
Winnende Jocusleedjes
Kôm dich ens heej! Want auk de fônkelnieje winnende Jocusleedjes zien d’r weer beej. Zörg det geej alle 4 de leedjes van boéte kint, zoëdet de niejen Hoëgheid same mit ôg kin meizinge!
Kaarte kaupe
De kaartverkaup veur d’n Hofbal start jäörliks in november, op oétnuuëdiging. Alle Jocusleeje en Donateurs, Vrinde en Sponsore van Jocus ôntvange ein persuuënlikke oétnuuëdiging mit ein QR-code wao mei zeej kaarte kinne kaupe. Moch ‘t neet lökke de QR code te scanne klik dan heej en vul handmatig de gegaeves in de oétnuediging in.
Heb geej gen oetnuuëdiging ôntvange, maar heb geej dao waal rech op?
Meld ôg dan via hofbal@jocus.nl
Donateur waere? Klik heej!