Boerezôndaag

Daags nao ’t Boeremoosbal vindt in ‘t kloësterkwarteer de Boerezôndaag plaats: eine gezelligen daag veur de ganse femilie min ônder andere ‘t Krense in Domani, wao geej ‘t niej Boerebroélofsgezelschap van de Kwante Kaketoe kint fillicitere en gezellig kint naopraote euver ’t Boeremoosbal.

In de Flôddergats en umliggende kefees is de gansen daag live muziek, en op de vastelaovesmert kint geej terech veur alles waat geej nuedig heb veur kômmende vastelaovend.

Na jaore van “Krense” in de Maaspoort is dees resepsie in ein niej jeske gestaoke. As niej lokasie is gekaoze veur ‘t intieme Domani. Naeve de zaal binne, zal auk de umgaeving van ’t Kloësterkwarteer mit zien kefees betrokke waere.

Um 13.11 oor wuurt aafgetrap mit ‘t ôntvange van ’t niej Broédspaar mit eur gezelschap ônder muzikale begeleiding van de Hermenie en Jocus Hofkepél. Zeej halde eur resepsie in Domani, waonao weej mit eur op joets gaon tösse de kefees in ‘t kloësterkwarteer.

Vanaaf 14.00 oor zal boéte ‘t Boerevastelaovesfees los gaon op en rond ‘t Dominicanenplein; dit is veur iddere vastelaovesvierder vreej toegankelik. Beej de deilnemende kefees (De Keizerin en Kefee de Baek) is t auk gezellig mit vuul (live) vastelaoves meziek. Tösse ‘t Dominicanenplein en Flujasplein is euveral waat te belaeve mit diverse optraejes.

Naeve de resepsie, live meziék en de vastelaovesmert, zal auk ’t Jocus Museum zien deure aope stelle veur idderein. Aafgelaupe waeke is ‘t museum heraöpend mit eur nieje tentoënstelling ‘Sjiengele Boem!’. Tiédes Boerezôndaag is de entree van ’t Jocus Museum gans gratis.

Boerezôndaag en de Vastelaovesmert zien gratis toegankelik en te bezeuke wies 17.00 oor. In de deilnemende kefees geit ‘t feest daonao vanzelfspraekend wiejer.