Jocus Joetsaovend

Zaoterdaag 11 Fibberwari 2023
van 17:11 wies 23:11 oor
Binnestad

Inmiddels ein tradisie en ein begrip op de vastelaoveskalender is Jocus Joetsaovend. Auk in 2022, te weite zaoterdaag 19 fibberwari (aansloétend aan ’t Prônke op de Klaosstraot) kin d’r weer gejoets waere op ôs Parade.

Alderwets van kefeeke nao kefee joetse en veural zelf zörge det ’t eine joeksige aovend wuurt. Schaele wazel verkaupe aan de teek mit ein good glaas beer, piassekraom make mit dien vrinde of andere joetsers ammeseere mit detgeen desse dich dit kiër weer in haes laote valle. Boéte op straot speule joekskepelle de Venlose vastelaovesméziek en meugse ’t hoëgste leed zinge of d’n hoempapa danse.

De deilnemer aan de Joetsaovend is alzoë auk geliék de haufrolspeuler.

Want weej zien en make zelf de vastelaovend!

Asse dinks, dao wil ik beej zien kinse dich via de webshop ein stempelkaart kaupe. Daoveur kriégse beej idder van de deilnemende kefees ein klep veur lau en as geej al die kefeejs ziet aafgewaes wuurt dich auk nog ens ein echte Jocus Joetsaovend 2019 medaalie, ôntworpe door Hofteikenaer Ivo Nellissen, op de bors gespeld. Ein biézôndere, exclusieve medaalie want idder jaor wuurt d’r ein niéj ôntwerp geprissenteerd dae allein is bestump veur de joetsers van det jaor en door ’t beperk aantal kaarte zien d’r auk aevel ein selek aantal medaalies.

Alzoë pak ôg ônder de erm en kôm allemaol naor de Jocus Joetsaovend!

Kaarte veur de Jocus Joetsaovend zien te kriége via de webshop op www.Jocus.nl en beej de deilnemende kefees. Dit zien: Kefee Hadseflats, De Tapperie, De Galerie, De Brasserie, Leo’s Proeflokaal, Bonjoere, Grand Café de Keulse Kar, Rub-a-Dub en de Witte.

D’n aovend deurt van 17.11 wies 23.11 oor.