laot gaon, laot gaon dae waage…

Groëten Optoch

Maondaag 20 Fibberwari 2023
vanaaf 13:00 oor
Binnestad

’t Hoëgtepunt van de Venlose vastelaovend: de zaegetoch van Prins Carnaval en zien Adjudante! Ein bônte slinger mit groepe, groëte en kleine waages, joekskepelle, meziékgezelschape en vuuël originele Faatse trekke door de binnestad.

Iddere optochdeilnemer is maondelang mit zien kreatie aan de slaag gewaes. Auk de minse naeve de kant hebbe zich heej lang op gespits. Vastelaovend zoë-as det allein in Venlo kin!

Route
D’n optoch trek vanaaf de Groëte Baekstraot euver de Kwartelemert nao de Jeustraot, Alde Mert, Mert, Sint Jorisstraot, Parade, Nassaustraot en Keulerstraot. Aldao aangekômme is de ôntbinding op de Ponniewaeg. ‘t Defilé wuurt door de Stadsprins en zien Adjudante aafgenaome op de Kwartelemert.

Deilneme
De Technische Kemissie nuüdig de optochdeilnemers oét um zich op te komme gaeve veur de groëten optoch.

We begroete ôg gaer op ein van de 4 “praotaovende “ die gehalde waere in kefee De Brasserie op de Klaosstraot en waal op de datums: 3, 10, 17 en 24 jannewari 2023. Geej ziet op dees aovende van herte welkom tösse 20.30 en 21.30 oor.

Weej verzeuke de waagebouwers um zich leefs op de iërste aovend op te komme gaeve, dit in verband met de inspectierôndes in de laup van de maond jannewari.

De praotaovende zien neet allein bedoeld um ôg op komme te gaeve veur d’n optoch; de Technische Kemissie steit ouk klaor veur alle vraoge en opmerkinge euver de groëten optoch. Weit geej nog neet of ge mei wilt trekke en ziet ge op zeuk nao advies ? Laup gerös vreejbliévend binne.

De TC is met voldoende minse aanwezig um ôg oétgebreid te waord te staon. Gewoën meidoon! Gewoën doon!

Reglement
Download ’t optoch reglement

Inschriéve
Geej kint ôg inschrieve via ’t aanmeldformulier. Klik heej um ôgge groep en/of waage op te gaeve veur d’n optoch.

Opstelling
De Optochopstelling wuurt heej gepubliceerd zoedra deze bekind is.