…kump ‘nne joeksigen tiéd
scheet mit ôs ‘t niej seizoen in!
Elf van Elf / Inscheete
Nao eine werme naozomer weijt de herfswind zutjes aan weer Vastelaovend nao Venlo. Persiés op tiéd, zoëdet op maondaag 11 november weer ’t startsein gegaeve kin waere veur ein niej sezoen vol joeks en jen.
Zoëwie ’t zich huurt klinke 11 kenonscheut vanaaf de Mert veur ôs stadhoés. Daonao wuurt d’r ein vol program geprissenteerd mit hiël vuuël meziék.
Auk stelt ’t nieje Boerebroélofsgezelschap zich veur: Stichting Herfshane.
’t Offisjele program deurt wies 21.00 oor.
Ein niej CD én eine niejen Opstaeker
“D’n elfde van d’n elfde” is auk ’t moment det de nieje CD veur ’t iërs verkriégbaar is: mit neteurlik de 4 nieje winnende leedjes van Opus Jocus Leedjesaovend. Dees leedjes zien dan taeves auk beschikbaar via de streamingsdeenste. De 1ste CD wuurt aangebaoje aan ozze Beschermhiër, d’n hiër Antoin Scholten.
Naeve de cd is auk de niejen Opstaeker vanaaf maondaag 11-11 te kaup. De opbringste heejvan kômme ten gooje aan de vastelaovesvereinginge in de gemeinte Venlo.