27 leedjes op de Veurselectie
Zondaag 28 juli 2019
Veur Jocus Veurselectie, gehalde op zaoterdaag 24 augustus, zien 27 leedjes ingesteurd. Det zien d’r miër as ‘t veurig jaor. Onder de deilnemers zien zoëwaal nieje schriévers en zengers, asauk zengers en schriévers van vruuger jaore die al inkele jaore neet miër op Jocusbuun hebbe gestaon.
Op de Veurselectie bringe de deilnemers eur nieje vastelaovesleedje ten gehuure. De letste maonde haet idder zien beste beinke veur gezatte um nieje vastelaovesschlagers oét d’n aek te dreije. De leedjes waere beoordeild door de Vakzjurie die oét de inzendinge de 11 beste leedjes selectere veur Opus Jocus Leedjesaovend.
De 11 finaliste waere ‘s aoves bekind gemak via de bekinde Jocus mediakenale.
Opus Jocus Leedjesaovend wuurt gehalde op zaoterdaag 28 september aanstaonde. Intreebewiéze zien te kaup beej Jumbo Benders Venlo en via http://www.jocus.nl/webshop.
Opus Jocus Leedjesaovend wuurt gehalde op zaoterdaag 28 september aanstaonde. Intreebewiéze zien te kaup beej Jumbo Benders Venlo en via http://www.jocus.nl/webshop.