Pak De Träöt! Foto’s, schaele wazel en ein niej jeske!
Dinsdaag 4 fibberwari 2020
Hae kump d’r weer aan! De Träöt, ’t leukste vastelaovesblaad van Venlo, steit weer bäördevol mit foto’s en achtergrondverhaole euver Jocus en de Venlose vastelaovend. Foto’s zien d’r neteurlik van de verschillende Jocus evenemente en zelfs van d’n kômmende Hofbal. Nog neet iërder gepubliceerde foto’s zien speciaal veur de laezers bewaard. De vaste rubriek Rech veur zien mörfke zörg weer veur de nuuëdige schaele wazel.
Wao vindste 100 pagina’s bäördevol vastelaovend en schaele wazel veur slechs € 3?
De Träöt verschient in ein niej jeske. Daomei wuurt de Träöttraditie veurtgezatte um idder jaor waat niejs aan ’t Staatsorgaan van Jocus toe te vooge. De laezer wuurt zoë verras mit ein joeksige vormgaeving en ein aantal nieje rubrieke. Veur ’t iërs make dreej columniste eur opwachting. Wae det zien bliéf nog efkes geheim, aevel laote zeej eur leech schiene op de actualiteit.
In ein oétgebreid interview wuurt ingegaon op de letste ôntwikkelinge in de Venlose vastelaovend. Mat van Rhee en Maarten Bastiaens sproke mit verschillende minse euver de georganiseerde vastelaovend en diverse ‘spontane’ initiatieve. Harry Lücker schreef ein uniek verhaol euver de legendarische Sirremoniemeister van Jocus, Bertus Hummel. Hae ontdekde anekdotes en verhaole die weinig minse zulle weite…
Auk is d’r ein beejdrage euver de jongste Jocus revelatie: de Dansgardes van Jocus en Jocus Toekôms. In de letste jaore vonde ruum 65 blaage eure waeg. In ein verhaol wuurt stil gestaon wie dees unieke ôntwikkeling zien waeg vond.
Ruum aandach is d’r veur de jeugvastelaovend de Jocus Toekôms Femiliezitting, Half Haenke en ’t JVLK. Same mit de Herfshane kiéke weej truuk nao de Prix D’Orange dae zeej ‘t aafgelaupe jaor mochte winne.
De winnaer van de schriéfwedstrijd veur liërlinge van ‘t veurtgezet onderwiés ôntbrik neteurlik neet. Winnaeres Iris Hovens schreef ein leuk verhaol wie het ziene vastelaovend haet belaef. Veur de Träöt sproke weej twië Jocus Consulate “Venlonaere in ‘t boételand”. En auk Ridder Kunibald kump veurbeej.
En neteurlik…stelt ‘t nieje Jocus Dreejspan 2020 zich aan ôg veur!
De Träöt wuurt maondaagaovend 10 fibberwari oétgereik aan de nieje Stadsprins en zien Adjudante.
Dit geval kôs slechs € 3,00
Vanaaf dinsdaagmiddaag 11 fibberwari is de 72e editie verkriégbaar op de volgende adresse:
• Albert Heijn Maagdenbergplein, Maagdenbergplein
• Albert Heijn Hagerhof, Van Nijvenheimstraot
• Beej Benders, Nolensplein
• Bookhandel Koops/Venloos VVV-kantoër, Klaosstraot
• Gifts Bizz ziekenhuiswinkel, Tegelseweg
• Jumbo Supermarkt, Vinckenhofstraot
• Kortooms de Read Shop, Klaosstraot
• Jumbo Benders, Gelreplein
• Primera MaasBLVD, Maasstraot
• Ringfoto Kino Linders, Klaosstraot
• Slegterie De Karbinder, Wolweverstraot
• The Read Shop, Klaosstraot
Dus:…Pak De Träöt! Pak De Träöt! Pak De Träöt!
• Albert Heijn Maagdenbergplein, Maagdenbergplein
• Albert Heijn Hagerhof, Van Nijvenheimstraot
• Beej Benders, Nolensplein
• Bookhandel Koops/Venloos VVV-kantoër, Klaosstraot
• Gifts Bizz ziekenhuiswinkel, Tegelseweg
• Jumbo Supermarkt, Vinckenhofstraot
• Kortooms de Read Shop, Klaosstraot
• Jumbo Benders, Gelreplein
• Primera MaasBLVD, Maasstraot
• Ringfoto Kino Linders, Klaosstraot
• Slegterie De Karbinder, Wolweverstraot
• The Read Shop, Klaosstraot
Dus:…Pak De Träöt! Pak De Träöt! Pak De Träöt!