Stum veur de Vastelaovesposter 2021
Waat wuurt de Vastelaovesposter van 2021? Stump geej mei?
Um de vastelaovend in dit biezondere jaor beej ôg thoés te bringe haet Jocus eine ôntwerpwedstriéd oétgeschreve veur de Vastelaovesposter van 2021.
De letste waeke hebbe ein groët aantal minse eur ôntwerp ingesteurd. Weej zien verras door ’t hoëge aantal inzendinge! Groëten dank en alle kômplimente veur ôg kreaties!
Oét alle inzendinge zien viéf ôntwerpe geselecteerd wao-oét geej ôg keus kint make. Tot mit zondaag 10 jannewari 2021 kint geej ôg stum oétbringe via de Facebook- en instagrampagina van Jocus.
Ôg stum kin waere oétgebrach op Facebook door og favoriete aafbaelding te ‘like’ of door’t nummer in de reacties achter te laote. Op Instagram kin gestump waere door ôg keus in de reacties achter te laote. Let op: inkel de stumme op ‘t originele Jocusberich waere meigeteld.
De winnaer wuurt in aanlaup nao de Vastelaovend op passende wiéze bekind gemak. De poster is vervolges via De Träöt en andere oétgifte verkriégbaar.
Welke Vastelaovesposter hingk strakkes in gans Venlo veur de roét?
Doot mei! Dan bringe weej same de Vastelaovend beej idderein de hoéskamer in!
Facebook: www.facebook.com/jocusvenlo
Instagram: www.instagram.com/jocus_venlo