Schriéfwedstrijd OGVO & Jocus: “Miene 1e vastelaovend in Venlo”
Vriedag 31 jannewari 2020
Veur ‘t derde jaor op riej organisere ‘t OGVO en Jocus eine schriéfwedstrijd veur liërlinge van ‘t OGVO, College Den Hulster.
Heejmei perbere weej same ‘t schriéve euver de vastelaovend en ‘t Venloos dialek te stimulere.
Door ‘t groëte aantal inzendinge waere de dreej leukste beejdrages gepubliceerd.
De winnende beejdrage is neteurlik auk dit jaor te laeze in De Träöt die verschient op maondaag 10 fibberwari.
Door ‘t groëte aantal inzendinge waere de dreej leukste beejdrages gepubliceerd.
De winnende beejdrage is neteurlik auk dit jaor te laeze in De Träöt die verschient op maondaag 10 fibberwari.
Volgende waek laes geej heej de nummer twië…
D’n derde priés is veur Daan Zeelen! Van herte perfitsia!
Miene iërste Vastelaovend in Venlo
‘t Begôs allemaol wie ik in mien letste jaor op de basisschoël vriédaags veur de vastelaovend woord gebeld door mien juffrouw. Zeej vertelde mich toen det ik waas gekaoze as jeugprins. Weej vierde al jaore genne vastelaovend miër. Ik had miene naam maar veur de leuk geschreve, waer ik auk nog oétgekaoze as prins van basisschoël De Violier in Maasbree. ‘s Maondaags môt ik perbere um miene mond neet veurbeej te praote, um ‘s Middaags te waere oétgerope as prins. ‘t Is maondaagmiddaag en zeej rope de name van de raod van elf en de adjudante. Noow bin ik aan de beurt. Ik waer opgerope en ik ren door ‘t publiek richting ‘t podium. Heej hebbe weej nog einen optoch gehalde. Daonao bin ik nao hoés gegaon. De volgenden daag moch ik mei mit d’n optoch. ‘t Waas ein leuke ervaring um eine kiër op de prinsewage te staon en waofels nao ‘t publiek te goeie. Op dinsdaag ben ik uk nog nao venlo gegaon. Ik waas nog noeits in Venlo gewaes veur de carnaval. Dao kwaam ik auk nog Lex Uiting taege. ‘t Insigste det mich opveel waas det de Jocusprins gen dreej maar ein punt haet op de prinsemuts. Auk det d’r ein stök miër waerd aan wuurt gehech dan det ik gewind waas.
DIt was mien alleriërste jaor dat ik weer ens carnaval heb gevierd.
DIt was mien alleriërste jaor dat ik weer ens carnaval heb gevierd.
Ein jaor later meuste weej ein carnavalsjournaal make veur schoël. Weej hebbe toen ein interview gehalde mit de vors van Jocus. Hae haet ôs vuuël verteld euver vastelaovend en Jocus. Dit jaor heb ik auk allein maar carnaval gevierd in Venlo. In Venlo, de stad van lol en plezeer heb ik auk ech vuuël plezeer gehad maar veural vuuël gasvreejheid gevônde. Ik dach altiéd det de carnaval in Venlo miër van “dich bis eine stadse of de huuërs heej neet
thoés”. Dit heb ik op gen moment geveuld. In Maasbree wao ik woën is de carnaval miër in de kefees, dit heb ik Venlo neet ech gezeen idderein steit op straot, waat ein ervaring um dit mei te make. Op maondaag bin ik nao d’n optoch gegaon in Venlo, waat is dae groët. Ik heb nog noeits zoë waat kleurriéks en leuks gezeen. D’r waas vuuël dans en meziék iets waat ik totaal neet waas gewind vanoét Maasbree. Auk de praolwages ware ein stök moeier. ‘s Aoves heb ik nog mit mien vrinde op de Mert waat gedrônke (gennen alcohol huur) Auk zien weej nog nao de vruugere Dominicanekerk gegaon um dao mit de res van de carnavalsvierders mit eine stek op de deur te slaon en te vraoge of weej volgend jaor weer carnaval meuge viere. Heejnao zien weej nao hoés gegaon en op dinsdaag waas de boerebroélof. In mien iërste jaor op de basisschool bin ik de broédegom gewaes. Daorum kinde ik de leedjes waal maar toch vond ik ‘t apart det de minse nao ein boerebroélof stônde te kiéke zônder det dees ech waas. De stoet van ‘t gezelschap vond ik leuk um te zeen. ‘t Leedje det ik nog steeds in miene kop heb is det leedje van holladiejeeja hollidiejoo. Dit leedje woord auk gezônge wie ik broédegom waas op de basisschoël. Dit leedje reep weer leuke herinneringe op. Op woensdaag bin ik nog gaon hiëringschelle. Ik vond ‘t neet lekker maar de gedachte d’r achter vond ik waal leuk.
thoés”. Dit heb ik op gen moment geveuld. In Maasbree wao ik woën is de carnaval miër in de kefees, dit heb ik Venlo neet ech gezeen idderein steit op straot, waat ein ervaring um dit mei te make. Op maondaag bin ik nao d’n optoch gegaon in Venlo, waat is dae groët. Ik heb nog noeits zoë waat kleurriéks en leuks gezeen. D’r waas vuuël dans en meziék iets waat ik totaal neet waas gewind vanoét Maasbree. Auk de praolwages ware ein stök moeier. ‘s Aoves heb ik nog mit mien vrinde op de Mert waat gedrônke (gennen alcohol huur) Auk zien weej nog nao de vruugere Dominicanekerk gegaon um dao mit de res van de carnavalsvierders mit eine stek op de deur te slaon en te vraoge of weej volgend jaor weer carnaval meuge viere. Heejnao zien weej nao hoés gegaon en op dinsdaag waas de boerebroélof. In mien iërste jaor op de basisschool bin ik de broédegom gewaes. Daorum kinde ik de leedjes waal maar toch vond ik ‘t apart det de minse nao ein boerebroélof stônde te kiéke zônder det dees ech waas. De stoet van ‘t gezelschap vond ik leuk um te zeen. ‘t Leedje det ik nog steeds in miene kop heb is det leedje van holladiejeeja hollidiejoo. Dit leedje woord auk gezônge wie ik broédegom waas op de basisschoël. Dit leedje reep weer leuke herinneringe op. Op woensdaag bin ik nog gaon hiëringschelle. Ik vond ‘t neet lekker maar de gedachte d’r achter vond ik waal leuk.
Bedank Venlo veur deze leuke en fantastische vastelaovend in de stad, volgend jaor bin ik d’r zeker weer beej!
Daan Zeelen