Jocus Museum vanaaf 15 juni weer te bezeuke
Donderdaag 4 juni 2020
Noow in ‘t Jocus Museum te zeen: Vastelaovend Same! Ein volksfees um gruuëts op zien.
‘t Jocus Museum bezeuke?
Geej ziet van herte welkom um ‘t Jocus Museum te bezeuke. Heejbeej waere de richlién van de Rijksoverheid in ach genaome. ’t Museum is allein op aafspraok te bezeuke. Weej ôntvange ôg gaer mit maximaal 8 persoëne per rondleiding.
Geej ziet van herte welkom um ‘t Jocus Museum te bezeuke. Heejbeej waere de richlién van de Rijksoverheid in ach genaome. ’t Museum is allein op aafspraok te bezeuke. Weej ôntvange ôg gaer mit maximaal 8 persoëne per rondleiding.
Veur de meugelikhede en ein aafspraok kint geej eine e-mail steure nao: museum@jocus.nl.
Hygiënerichliéne Jocus Museum
- In verband mit ‘t corona-virus zien ein aantal tiédelikke maotregele genaome um ôg bezeuk zoë veilig ein prettig meugelik te laote verlaupe:
- Opgesteld op basis van de richliéne van ‘t RIVM ôntvange weej maximaal 8 persoëne per rondleiding.
- Toegangk tot ’t Jocus Museum is oétsloétend meugelik op ein veuraaf aafgespaoke datum en tiédstip.
- Hald beej ôg bezeuk astebleef 1,5 maeter aafstand (2 ermlingtes) van andere.
- Um euveral de 1,5 maeter aafstand te kinne beware, is ein route bepaold die auk op de vloer is aangegaeve.
- Schöd gen hand.
- Hoos en nees aan d’n binnekant van ôggen ellebaog.
- Gebroék pepeere zakdukskes um ôg neus te snoéte en goeï deze weg. Was daonao ôg hand 20 sekônd mit water en zeip, druuëg ôg hand good aaf.
- Thoésbliéve beej verkeldheidsklachte
- Heb geej verkeldheidsklachte, zoëas neusverkeldheid, laupneus, neeste, keelpien, lichte hoos of verhuuëging wies 38 graad Celcius? Bliéf thoés!
Kiék auk op:
https://www.rijksoverheid.nl/onderwerpen/coronavirus-covid-19/openbaar-en-dagelijks-leven/cultuur
https://www.rijksoverheid.nl/onderwerpen/coronavirus-covid-19/openbaar-en-dagelijks-leven/cultuur
Euver de tentoënstelling:
‘t Jocus Museum is ’t aafgelaupe jaor gans verniejd. Neet allein is ‘t museum volledig opniej ingerich mit nieje expositie-kes en de daobeej huuërende verleechting. Taeves mochte diverse nieje kollectiestôkke verwelkômp waere. Ein originele dokterskoets oét de 19e ieuw, eigendom van Jocus, is ein van de prônkstökke. In ‘t auditorium dreijt ein unieke documentaire euver de Venlose Boerebroélof. Middels ein foto-expositie wuurt in verschillende tiédsbeelde de Groëten Optoch geprissenteerd. Parel in de kroën is “de Schellenbaum” van Jocus. ‘t Vereinigingsteiken van Jocus, gemak en ingesteld beej gelaegenheid van de inhöldiging van Keuningin Juliana in 1948, is normaal allein in gebroék beej de Groëte Prônkzitting.
In Vastelaovend Same! wilt ‘t Jocus Museum veural de vuuëlzijdigheid van de diverse vastelaovestradities laote zeen: ein volksfees van idderein en veur idderein, det door de vastelaovesvierders zelf wuurt gemak.
‘t Jocus Museum is te volge via social media Facebook, Twitter en Instagram via @jocusmuseum.
Adres: Dominicanenplein 25, Venlo