Op vastelaovesdinsdaag haet Vors Joeccius XI ‘t motto veur ‘t nieje vastelaovessezoen op2023-2024 bekind gemak: Uig dao! 

‘t Motto wuurt idder jaor oétgegaeve as inspiratiebron veur leedjesschriévers, optochdeilnemers en alle vastelaovesvierders.

Door de iëuwe haer haet de Venlose vastelaovend zich geevolueerd tot een kreatief en vuuëlkleurig volksfees. Ein podium wao idderein – riék en erm, jôngk en ald – zelf ‘t fees mak en thoés of op straot aan mei kin doon.

Mit alle kreativiteit en improvisatie gaon vuuël pekskes, leedjes, optochtkreaties en andere oétdossinge alle veurstellingsvermoges te baove. Indachtig ‘t refrein van ‘t vastelaovesleedje oét 1962 Kiék ze kiéke, kiék ze kiéke, det hadde ze van zien laeve neet gedach.

Vastelaovend 2024 vindt plaats van 11, 12 en 13 fibberwari.