Vastelaoveszôndaag 13.11 oor: Kinderoptoch

Vastelaoveszôndaag zal de kinderoptoch weer door ôs Venlose straote trekke. Weej hebbe d’r lang op môtte wachte, aevel: de Vastelaovend kint weer gevierd waere in ’t Stedje van Lol en Plezeer. En op zo’n moment is d’r niks schoëner dan d’n draod weer oppakke mit ôzze kinderoptoch.

Mit toestumming van de Gemeinte Venlo zal Jocus deze Kinderoptoch organisere waobeej Vors Joeccius Juniores XI mit ziene Raod van XI alle blaage mit eur elders veurgeit in eine kwante en meziékale stoet door de vaste route van de binnestad.

‘t Opstelle veur de kinderoptoch vindt plaats op de Groëte Kerkstraot ter huuëgte van de Sint Martinusbasiliek, waonao deze vanaaf 13:11 oor zal trekke euver de Parade, door de Klaosstraot, euver de Vleisstraot nao de Mert alwao ’t defile zal waere aafgenaome door Vors Joeccius Junioris XI en ‘t gezelschap van Jocus Toekôms. Aansloétend make weej d’r in de stad eine prachtige vastelaovesmiddaag van!

Vastelaovend Same!