Nao twië biézôndere jaore siert ‘t nieje Dreejspan weer d’n umslaag van Staatorgaan van ‘t Jocusriék De Träöt. Mit auk ein oétgebreide fotoripportage van d’n Hofbal is de aktualiteit hielemaol truuk. En ‘t rissulaat meug gezeen en gelaeze waere: de nieje Träöt is in jaore neet zoë diek gewaes.

Zoë-auk mit oétgebreide sfeerbeelde van de aafgelaupe vastelaovend en Jocus aktiviteite wie d’n Elf van Elf en ‘t Boeremoosbal. Heej straole veural de moëie mörfkes van de bezeukers – geej as laezer! – en is de nieje Träöt d’r veural eine van zeen en gezeen waere.

Auk is de ruum aandach veur ein aantal achtergrondverhaole. Beejveurbeeld euver Sef Arends – auk ‘Prins in de wachkamer’ -, ein ripportage euver de Venlose Joekskepelle en teksschriéver Ad Pollux dae dit jaor 100 jaor zoel zien gewaore. De vaste columniste wie Peter Leijsten en Lucas Bremmers bringe actualiteit mit eine kwante inslaag.

De Träöt is vanaaf dinsdaagmiddaag 7 fibberwari veur slechs dreej euro verkriégbaar beej:
– Albert Heijn Maagdenbergplein, Maagdenbergplein
– Albert Heijn Hagerhof, Van Nijvenheimstraot
– Bookhandel Koops/Venloos VVV-kantoër, Klaosstraot
– Gift Bizz Ziekenhuiswinkel, VieCuri Venlo
– Jumbo Supermarkt, Vinckenhofstraot
– Jumbo Benders, Gelreplein
– Primera MaasBLVD, Maasstraot
– Slegterie De Karbinder, Wolweverstraot
– Foto Kino Linders, Klaosstraot

En neteurlik via de webshop van Jocus