Jocus motto Vastelaovend 2023
Op vastelaovesdinsdaag haet Vors Joeccius XI en ziene wiéze Raod van XI ‘t nieje motto veur de Vastelaovend 2023 bekind gemak. ‘t Vastelaovesmotto wilt gaer ein inspiratie zien veur onder andere leedjesschriévers, optochdeilnemers en alle andere vastelaovesvierders.
‘t Intens belaeve van de Venlose Vastelaovend is haos ein laevesmedicién. De lol en plezeer mit vuuël schaele wazel zörg veur de lach op de snoét van minnige Venlonaer.
Ein geveul det wuurt bezônge in ‘t “Leed op den Haan” geschreve in 1842:
Allö! Allö!
Den haan is döveur dö, (bis.)
Dorum goat lustig op den haan,
Dèè kiek og zoe verlangend aan,
Loat um zoe lang allein neet stoan,
Gezwind maar drop gegoan.
De Vastelaovend in Venlo is ôs kreatieve oétlaotklep. Dreej daag pierewaaje helt ôs as Venlose gemeinschap ‘t ganse jaor door in aevewich. Onder de vleugels van ôzze gruuëtse Jocushaan bezörg ‘t iëuwe alde volksfees ôs altiéd gooje zin.
Alzoë is ‘t motto veur de vastelaovend van 2023