In memoriam: Leopold Wolters
Vriedag 25 fibberwari 2022
Bedreuf vernoome weej ’t haergaon van d’n hiër Leopold Wolters.
Stadsprins Leopold I in ‘t jaor 1978
Ald-Adjudant beej Prins Nic I in ’t jaor 1969
Kômmandeur Gold in de Orde van d’n Haan
Eine gekinde en beminde Venlonaer mit ein groët Jocushert. Gasvreej ôntving hae idder jaor, ’s maondaags nao d’n Hofbal, d’n niéjen Hoëgheid um dae in te wieje in de mores van ’t Prinsschap. Dees bezeuke gaon gemis waere, aevel nog miër de persuuënlikheid die Leopold waar, smeis gepas kritisch as det ens nuuëdig waar, aevel baovenal werm en hertelik.
Jocus zal Leopold met groët respek gedinke.
Weej winse de femilie vuuël sterkte.
Names alle leeje van Venloosch Vastelaoeves Gezelschap Jocus
Roel Versleijen, Vors Joeccius XI