Veuraafgaond aan de Groëte Prônkzitting, had de jäörlikse Laudatie plaats. Heej woorte door Vors Joeccius XI en ziene wiéze Raod van Elf de Jocusleeje en andere vreejwilligers gehöldig veur eur verdeenste veur de Venlose vastelaovend en de vereiniging Jocus in ‘t biézonder. De gedecoreerde woorte opgenaome in de Orde van d’n Haan.

Ein biézonder moment waas d’r veur ‘t echpaar Ves Verhaegh en Hilde Verhaegh-Helsen.

Ves Verhaegh is 30 jaor lid van de AZ kemissie en verantwaordelik veur de kaartverkaup en organisatie van de Boerebroélof.

Vanoét zien hert is Ves dageliks betrokke beej Jocus en wet as genne andere wie det alles wies in de kleinste details wuurt veurbereid.

Hilde Verhaegh-Helsen is al vanaaf 1978 lid van Jocus. As sikkertaris van de TC stond Hilde 4 verschillende veurzitters beej en is ‘t röspunt in dees iéferige kemissie. Auk is Hilde enthousiaste Museumgids betrokke beej ‘t Jocus Museum.

As dank veur eur jaorelange verdeenste woorte Hilde en Ves bevorderd tot Kommandeur Gôld mit Ster in de Orde van d’n Haan. De hoëgste ônderscheiding in dees Orde die ziër zelde wuurt oétgereik.

Ein ôngekind unicum, aevel diekverdeend veur dit biézonder loyale en aimabel echpaar det ein groët hert haet veur Jocus en de Venlose vastelaovend.

Van herte perfitsia!