Elf van Elf: dan kump eine joeksigen tiéd!
Maondaag 21 oktoëber 2019
‘t Vastelaovesseizoen begint maondaag 11-11-2019 op de Mert! Geneet van ‘s morges vruug wies ‘s aoves laat ein riëk gevöld progamma te beginne mit 11 neet te misse kenônscheut. Neem gerös eine snipperdaag en trap de vastelaovend van 2020 mit gans Venlo aaf! En det allemaol veur nop!
Elf van Elf: det is ‘t groëts en gruuëts inscheete van ‘t nieje vastelaovessezoen! Mit ein sfeervol program op en veur ‘t Venlose stadhoés. Begaaj ôg aan optraejes van o.a. de winnende 4 Jocusleedjes, Jocus Hofkepèl, de winnaers van de Herfshane en ‘t Jeug Vastelaoves Leedjeskonkoer, Twië kiër Twië, de Toddezèk, Linke Mik, De Drekskaters, Greun Graas, Gé Deenen, Net Oet Bèd, de Boerebroélofsgezelschappe van de Koedeljach van Benders 2019 en de Herungerstraot 2020, DJ Falco Dings, Sandra Marco en DJ Serpetinus!
Elf van Elf is ein samewerking tösse Venloosch Vastelaoves Gezelschap Jocus, In den Dorstigen Haen Café Old Dutch – Ristorante La Trattoria en Café Restaurant Central.
DET WILSE TOCH NEET WISSE!