Op de Raodsvergadering van maondaag 3 april haet de Raod van Elf beslaote um de organisatie van de Boerebroélof 2024 te gunne aan De Molukse Gemeinschap. Ein aeve historisch as moëi besloét, aevel veural ein joeksige bevestiging det de Vastelaovend einheid, lol en plezeer oétstraolt as ‘t fees veur idderein.

Vastelaovend is ‘t fees veur riék en erm, en jôngk en ald. Ein fees van verbôndenheid det ein waezelik ônderdeil is van ôs Venlose gemeinschap. In haos zevetig jaor is de Molukse gemeinschap ein groëte en gruuëtse gemeinschap in Venlo gewaore. De iërste generaties Molukkers die in de jaore fiéftig nao Venlo kwame hebbe berg môtte euverwinne. De letste jaore is eure onderlinge band mit Venlo allein maar groëter en sterker gewaore. Neet in de letste plaats doordet verschillende generaties Molukkers zich – al generaties lang – op vuuël maneere inzitte in en veur Venlo. Auk mit de Vastelaovend, wao juus de Boerebroélof dees verbinding tösse vastelaovesvierders – die mit ganse femilies de stad in trekke – bevestige.

Det mak det ‘t bestuur van Venloosch Vastelaoves Gezelschap Jocus unaniem haet beslaote um dit ônderstreepe en veur de Vastelaovend van 2024 De Molukse Gemeinschap de iër te gunne um de Venlose Boerebroélof te gunne.

Van herte perfitsia!

Op zôndaag 2 juli prissenteert ‘t gezelschap onder de naam de Kwante Kaketoe de verdeiling van de rolle én eur logo tiedes De Kwante kaketoe op zondaag, in ‘t julianapark. Kiék veur mier informatie op www.dekwantekaketoe.nl