Boerebroélof 2020 gegund aan De Herungerstraot
Op veurdrach van Jocus’ AZ kemissie haet de wiéze Raod van Elf beslaote um de organisatie van de Boerebroélof van 2020 te gunne aan de Herungerstraot.
De Herungerstraot is ein straot wao vuuël echte Venlose vastelaovesvierders woëne die kômmend jaor ein alderwetse Venlose Boerebroélof gaon organisere.
De Herungerstraot is ein iconische en alderwetse Venlose straot mit as boegbeeld ‘t Bôndsgebouw. In dees straot woëne diverse ôndernemers en minse die binne ‘t verenigingslaeve betrokke zien. Zeej gaon de alde ambachte truuk laote kômme en wille verbindinge legge mit zoëwaal andere straote as-auk mit Herongen.
Vastelaovend viere liërse in dien buurt en det wille zeej kômmend jaor gaon oétdrage. Verdraagzaamheid, verbôndenheid en gezelligheid; ‘t begint allemaol in dien eige straot um fijn te kinne woëne, oftewaal De buurt aan zet. Venlo kin zich opmake veur ein alderwets moeie Venlose Boerebroélof um gruuëts op te zien: mit in 2020 Boerebroélofsgezelschap De Herungerstraot!