Automatische tössestand Prinse-poule

Woensdaag 31 jannewari 2007

Noow de Hofbal naobeej is, stijg auk de spanning rondum wae Prins Carnaval wuurt mit ‘t oor. Weej zeen det vuul minse ôs thoésblaad geregeld aandoon um efkes nao de Prinse-poule te kiéke en soms zelf auk ein gok te waoge. Um snel inzich te gaeve in de tössestand hebbe weej onderaan alle inzendinge ein blökske mit statistieke beejgevoog. In ein aug-opslaag wuurt duudelik wie dök ein bepaolde naam geneump wuurt.

Waat auk duudelik wuurt is det ‘t aantal inzendinge van dit jaor taegevelt… Op ‘t moment van schriéve: 175, taege-euver ruum 500 in ‘t veurig jaor. Hebbe de Venlonaere gen idee euver wae d’r prins wuurt dit jaor? Is d’r genne favoriet mier? Of is de Jocus-schat dit jaor baeter bewaak dan andere jaore?

Aanstaonde zaoterdaagaovend 3 fibberwarie kint geej op dit thoésblaad terech um de iërste foto’s van ‘t nieje dreejspan te bekiéke!