59ste Träöt geprissenteerd

Maondaagaovend, de daag nao d’n Hofbal woort traditioneel de Träöt geprissenteerd door de P&P-kemmissie van Jocus. De 59ste Träöt is weer dieker, kleurriéker en nog moëier gewaore! ‘t Offisjieel orgaan van Jocus zit weer vol leuke verhaole, grappige teikeninge en de meis geweldige foto’s.

Sinds ein aantal jaor wuurt d’n umslaag van de Träöt ontwôrpe door eine Venlose kunstenaer. Dit jaor waas det trompetis en musicus Jacq Sanders. Hae schreef heejveur ein ‘inscheetsinjaal‘ det grafisch in d’n umslaag verwerk is. Dit sinjaal woort tiédes de prissentasie ten gehuure gebrach door 4 van de Venlose stadstrompetiste. ‘t Inscheetsinjaal duit ‘t auk good as ringtone op ôgge mobiele tillefoon!

De Träöt is noow te kaup op diverse adresse en kôs nog altied 3 euro.